На пажары ў Мінску выратавалі чалавека з захламленай кватэры
![На пажары ў Мінску выратавалі чалавека з захламленай кватэры](/sites/default/files/styles/gallery_main/public/2023-08/pazar-0801-4.jpg.webp?itok=Eyu75Igo)
Увечары 7 студзеня, у 20.47, мінскім ратавальнікам затэлефанавалі і паведамілі пра пажар на чацвёртым паверсе чатырохпавярховага жылога дома па праспекце Незалежнасці, 104.
На месцы выкліку ратавальнікі не заўважылі знешніх прыкметаў пажару. Аданк разведка выявіла, што ў трохпакаёвай кватэры на чацвёртым паверсе загарэлася маёмасць у адным з пакояў. Ратавальнікі падкрэсліваюць, што кватэра была моцна захламленая.
Супрацоўнікі МНС выратавалі 52-гадовага мужчыну. Яго знайшлі ў непрытомным стане на падлозе ў кухні. Брыгада хуткай меддапамогі абследавала мужчыну, пасля чаго яго шпіталізавалі з дыягназам "цяжкая тэрмаінгаляцыйная траўма, апёк дыхальных шляхоў, атручванне прадуктамі гарэння".
Пажар ліквідаваны ў 21.09. Агонь пашкодзіў маёмасць у памяшканні, кватэра закураная.
Прычына пажару высвятляецца. Мяркуецца, што пажар узнік з-за неасцярожнасці пацярпелага пры курэнні.