На пажары ў Мінску выратавалі чатырох чалавек
![На пажары ў Мінску выратавалі чатырох чалавек](/sites/default/files/styles/gallery_main/public/2023-08/charkauskaja-1611-1.jpg.webp?itok=-3fVy5f5)
15 лістапада ў 13:12 мінскім ратавальнікам паведамілі, што з кватэры на чацвёртым паверсе дома №80 па вуліцы Харкаўскай ідзе дым. Прыбыўшы на месца выкліку, супрацоўнікі МНС заўважылі дым сярэдняй канцэнтрацыі з акна кватэры. Выявілася, што ў жылым пакоі загарэлася маёмасць.
Работнікі МНС выратавалі з памяшкання гаспадыню кватэры, якая ў была ў прытомнасці і знаходзілася ў калідоры. Жанчыну шпіталізавалі з тэрмаінгаляцыйнай траўмай і атручваннем прадуктамі гарэння. З кватэраў, размешчаных вышэй, з дапамогай масак былі выратаваныя яшчэ тры чалавекі. Акрамя таго ратавальнікі эвакуявалі пяць чалавек з суседніх кватэраў.
Пажар быў ліквідаваны ў 13:32.
Прычынай пажару, як мяркуецца, стала неасцярожнае абыходжанне гаспадыні кватэры з агнём пры курэнні.