На развіццё малога прадпрымальніцтва ў Мінску сёлета дадуць 2 млрд рублёў

У 2009 годзе на развіццё малога прадпрымальніцтва ў Мінску будуць накіраваныя 2 млрд рублёў. Пра гэта паведаміў начальнік ўпраўлення прадпрымальніцтва Мінгарвыканкаму Аляксандр Каліноўскі. Ён не выключыў, што названая сума будзе павялічаная. Ільвіная доля сродкаў будзе накіраваная на развіццё бюджэтна-крэдытнай падтрымкі малога прадпрымальніцтва, у прыватнасці на льготнае крэдытаванне банкамі.

Дарэчы, праграма льготнага крэдытавання Мінгарвыканкаму прадугледжвае ўдзел двух банкаў — "Белінвестбанка" і "Белгазпромбанка". Цяпер разглядаецца пытанне пра ўключэнне ў праграму яшчэ аднаго банка.

Як паведамляе БелаПАН, па прагнозах гарвыканкама, у 2012 году ўдзельная вага малога прадпрымальніцтва ў агульным аб'ёме прамысловай вытворчасці горада павінна дасягнуць 17—18%. Сёння гэты паказчык складае 10%.