На выбарчых участках у Расіі былі 7 спробаў падпалаў

15 сакавіка ў РФ прайшоў першы дзень галасавання на прэзідэнцкіх выбарах. Яно працягнецца тры дні. Незалежныя назіральнікі адзначаюць, што афіцыйная яўка ўжо стала "зашкальваць" — асабліва ў сістэме дыстанцыйнага электроннага галасавання.

На працягу дня было зафіксавана больш за 10 выпадкаў, калі грамадзяне залівалі зялёнку і чарніла ў скрыні для галасавання, піша novayagazeta.ru. Таксама вядома мінімум пра 7 выпадкаў, звязаных з падпаламі на ўчастках. У Іванава пажылая жанчына падпаліла скрыню для бюлетэняў. У Чалябінску пенсіянерка паспрабавала падпаліць на выбарчым участку феерверк. У падмаскоўных Мыцішчах жанчына ў кабінцы для галасавання абліла стол гаручай вадкасцю і падпаліла. У Пецярбургу на ганак выбарчага ўчастка кінулі "кактэйль Молатава".

Распачатыя крымінальныя справы.