Навучальная ўстанова ў Мінску "зліла" прозвішчы, тэлефоны і адзнакі студэнтаў
Навучальная ўстанова "зліла" сваіх студэнтаў / pixabay.com
Адна з мінскіх установаў адукацыі сталіцы на сваім сайце незаконна апублікавала персанальныя даныя студэнтаў. Пра гэта паведаміў Нацыянальны цэнтр абароны персанальных даных (НЦПД).
Адміністрацыя ўстановы паведаміла не толькі прозвішчы, але і асабістыя нумары тэлефонаў, звесткі пра наведвальнасць заняткаў, паспяховасць, нумары пакояў у інтэрнаце ды іншую інфармацыю.
Пасля заўвагі НЦПД усе звесткі былі выдаленыя з сайта.
"Распаўсюджваць персанальныя даныя можна толькі са згоды грамадзян або на іншай законнай падставе", — нагадалі ў НЦПД.
