Пад Светлагорскам знайшлі авіябомбу вагой каля 250 кілаграмаў
![Пад Светлагорскам знайшлі авіябомбу вагой каля 250 кілаграмаў](/sites/default/files/styles/gallery_main/public/2023-08/bomba-1903-2.jpg.webp?itok=50Wqkqvi)
19 сакавіка ў 13:56 ратавальнікі атрымалі паведамленне, што ў Светлагорскім раёне ў вёсцы Сякерычы знайшлі авіябомбу, піша прэс-служба МНС.
Небяспечная знаходка трапілася работнікам камунальнага меліярацыйнага прадпрыемства пры разборцы састарэлага будынка. Авіябомба часоў Другой сусветнай вайны важыла каля 250 кілаграмаў. Ад знаходкі да жылых дамоў было каля 50 метраў.
Пагрозы для насельніцтва не было, таму эвакуацыю жыхароў не праводзілі.
На месца знаходкі выклікалі групу размініравання. Пляцоўку агарадзілі і выставілі міліцэйскую ахову.