Памерла грамадская актывістка Вольга Жураўлёва
Вольга Жураўлёва / nashaniva.com
Памерла грамадская актывістка Вольга Жураўлёва. Пасля выбараў 2020 года яна жыла ва ўкраінскай Бучы, але калі пачалася паўнамаштабная вайна, перабралася ў Варшаву.
Вольга з 2006 года ўдзельнічала ў дэмакратычным руху. А ў 2014-м выйшла з плакатам "Смерць крамлёўскім акупантам" на Кастрычніцкую плошчу ў Мінску.
Што стала прычынай смерці, невядома. Рэдакцыя выказвае спачуванні родным і сябрам Вольгі.
