Пасля 15-сутачнага арышту і галадоўкі на волю выйшаў Вячаслаў Сіўчык
З Цэнтра ізаляцыі правапарушальнікаў на Акрэсціна выйшаў на волю апазіцыйны актывіст Вячаслаў Сіўчык. Ён адбываў 15-сутачны арышт. Падчас усяго арышту Сіўчык трымаў галадоўку на знак пратэсту супраць умоваў утрымання на Акрэсціна.
За ўвесь час арышту адміністрацыя турэмнай установы не дазволіла адвакату наведаць апазіцыянера за кратамі.
Сіўчыка затрымалі 3 траўня пасля акцыі ў Барысаве.
