Пастановы на ператрусы па "справе Каардынацыйнай рады" падпісаў Сяргей Хмарук
![Сяргей Хмарук / прэс-служба Генпракуратуры](/sites/default/files/styles/gallery_main/public/2023-12/sergey_khmaruk_zamestitel_genprokurora.jpg.webp?itok=dQLWjWsG)
Сяргей Хмарук / прэс-служба Генпракуратуры
Пастановы на правядзенне ператрусаў па "справе Каардынацыйнай рады" падпісаў намеснік генеральнага пракурора Сяргей Хмарук. Пра гэта паведамляе праваабарончы цэнтр "Вясна".
Па інфармацыі праваабаронцаў, гэта было зроблена 20 лістапада — за 8 дзён да пачатку ператрусаў.
Хмарук — ураджэнец Украіны, працуе ў пракуратуры з 1994 года. У 2021 годзе ён быў назначаны на пасаду намесніка генеральнага пракурора.
28 лістапада прайшлі масавыя ператрусы ў людзей, звязаных з Каардынацыйнай радай. Вядома пра ператрусы ў Паўла Латушкі, Юрыя Губарэвіча, Сяргея Чалага, Розы Турарбекавай, супрацоўнікаў Народнага антыкрызіснага ўпраўлення. Сілавікі ў сваіх тэлеграм-каналах прама звязалі ператрусы з маючымі адбыцца выбарамі ў Каардынацыйную раду. Тамсама сцвярджалася, было праведзена каля 200 ператрусаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.