Пераехаць з Кіева ў Мінск, каб зарабляць стэндапам

У ліпені ў Беларусі з'явіўся першы стэндап-клуб. Stand Up Comedy Hall знаходзіцца ў мінскай прасторы GastroDvor (Куйбышава, 45) і зараз працуе ў тэставым рэжыме. 

Пад новым брэндам прайшло некалькі вечарынак, у планах арганізатараў правядзенне гумарыстычных мерапрыемстваў ледзь не штодня. Выступаць на пляцоўцы будуць як мясцовыя стэндаперы, так і замежныя гастралёры. 

Сярод рэзідэнтаў клуба — украінскі комік Андрэй Шчэгель. Дзеля працы ў Stand Up Comedy Hall ён пераехаў з Кіева ў Мінск. У студыі Еўрарадыё пагутарылі з ім пра тое, як гэта: зарабляць на жыццё ў Беларусі камедыяй.