Ператрус праходзіць у палітыка Анатоля Лябедзькі
Ператрус праходзіць у кватэры палітыка і грамадскага дзеяча Анатоля Лябедзькі ў Мінску. З-за гэтага адмянілі публічную дыскусію пра новую Канстытуцыю, у якой ён мусіў сёння прымаць удзел у Магілёве, паведамляе тэлеграм-канал @viasna96.
Нядаўна Лябедзька адбыў 30 сутак адміністрацыйнага арышту і казаў пра катаванні людзей за кратамі. Яго тады абвінавацілі ва ўдзеле ў "несанкцыянаваным мерапрыемстве" — ён прыехаў падтрымаць моладзь, якую судзяць па "справе студэнтаў".
