Першы дзень: адкуль і чаму едуць на EXIT Festival (фотарэпартаж)

10/07/2009 - 22:28

Перш за ўсё Еўрарадыё вырашыла дазнацца, адкуль прыехалі наведвальнікі фестывалю і чаго яны чакаюць ад адпачынку ў Сербіі.

Вось мы і дабраліся да EXIT Festival! Людзі разпакоўваюць намёты, знаёмяцца і чакаюць пачатку фестывалю, уваход на які адчыніцца ў 17 гадзін вечара. Народ тут вельмі каларытны: людзі прыехалі літаральна з усяго свету. Мы сустрэлі вельмі шмат брытанцаў, людзей з Аўстраліі і Канады. Чаму і з якімі адчуваннямі яны прыехалі ў Новы Сад?

Брытанка: “Экзіт фестываль — гэта адзін з лепшых фестываляў ў маім жыцці! Мне сапраўды вельмі падабаецца крэпасць, у якой адбываецца фестываль. Наступным годам мы таксама хочам сюды прыехаць. Кажуць, што ў Англіі фестывалі самыя лепшыя. Нельга так казаць. Проста такія фестывалі як у Сербіі зусім іншыя”.

Аўстралійцы: “Мы прыехалі з Аўстраліі. Мы не толькі на гэты фестываль прыехалі, мы вандруем па Еўропе. Гэты фестываль яднае Еўропу — гэта крута. Выступоўцаў шмат цікавых і сама крэпасць прыгожая. таксама тут смачная ежа і людзі ветлівыя. Мы чакаем выступаў Аrctic Monkeys i Lilly Allen”.

Цікава, як выглядае Сербія ў вачах гасцей. Водгукі вельмі станоўчыя і падобныя на тое, што звычайна кажуць пра Беларусь. Дарэчы, самі сербы добра ведаюць нашу краіну і вельмі станоўча да яе ставяцца.

Брытанец: “Людзі ў гэтай краіне вельмі прыемныя. У Вялікабрытаніі ўжо па-іншаму. Нам тут даюць піва бясплатна і дапамагаюць увесь час”.

Брытанка Крысцін: “Мне падабаецца, што людзі тут сапраўды ветлівыя і гатовыя дапамагчы. І ўсе расслабленыя і адкрытыя да сяброўства. А таксама тут вельмі танна (смяецца).

І калі ўжо ў Новы Сад даехала столькі гасцей, цікава, што яны могуць сказаць па-сербску.

Брытанка: “Я ведаю слова “Хвала”, што значыць “дзякуй”, а таксама “да” і “не”.

Брытанец: “Па-сербску нічога не ведаю. Навучыце мяне?” (ўсміхаецца)

Другі Брытанец: “Я прыехаў сюды таму, што мае сябры мне параілі. Я тут першы раз. Галоўнае для мяне — атрымаць задавальненне ад фестывалю. Самае галоўнае для мяне — гэта жанчыны (смяецца). Сербкі — проста ўаў!

Сярод наведвальнікаў фестывалю, вядома, хапае і саміх сербаў. Дарэчы, дзякуючы ім мясціны побач з фестывалям беларусу нагадваюць Крым: спякотна і кожную хвіліну табе спрабуюць нешта прадаць па неверагодных коштах.

Сербы не ў якім разе не прапускаць EXIT Festival. Яна набываюць квіткі па танных коштах ў лістападзе ці ў снежні і наведваць фестываль ужо ў дзесяты раз.

Серб Рубас: “Я жыву ў Новым Садзе! На гэтым фестывалі я папрадаю маскі і зараблю трошкі грошай. І, вядома, хачу атрымаць асалоду ад музыкі. Я ўжо дзясяты раз на EXIT Festival. Гэты, я мяркую, будзе лепшы дзякуючы The Prodigy.

Такім чынам EXIT Festival — сумесь стыляў і звычак, а таксама поглядаў на ўсе гэтыя рэчы.

Такім чынам сербы прадаюць гарэлку: з тазікаў з вадой замест халадзільніка

Некаторыя мяркуюць, што гэта па крэпасці тусуецца KORN

Адна з 6-ці сцэн фестывалю

Лілі Ален

Roots Manuva (Uk)

Buraka som sistema live (POR)

Нагадаем, што фестываль праходзіць у старажытнай крэпасці

Уборка працягваецца з раніцы да 16:00