Праз раку Рова пад Барысавам адкрылі часовы мост замест таго, што абрынуўся
2 чэрвеня на дарозе Барысаў — Беразіно адкрылі часовы мост праз раку Рова, піша ex-press.by
Як распавядала Еўрарадыё, асноўны мост абрынуўся 19 траўня. Па словах відавочцаў, ён не вытрымаў нагрузкі ад шматтоннага грузавіка, які ехаў па ім. МАЗ пры здарэнні згубіў адзін з задніх мастоў, ахвяраў пры гэтым не было.
Дарожнікі абяцалі зрабіць часовы мост цягам двух тыдняў і стрымалі слова. Калі пачнуць рамонт асноўнага моста, не паведамляецца.
