Пры пажары на Гродзеншчыне загінулі бацька і сын
![Пры пажары на Гродзеншчыне загінулі бацька і сын](/sites/default/files/styles/gallery_main/public/2023-08/hrodna-2612-2.jpg.webp?itok=-LmpVu9h)
Трагічнае здарэнне адбылося ў ноч на 25 снежня, паведамляе прэс-служба МНС. Ратавальнікам затэлефанаваў жыхар вёскі Шэмбелеўцы Гродзенскага раёна. Ён паведаміў пра пажар у суседскім доме. Мужчына выказаў здагадку, што ў доме могуць быць людзі.
на месцы выкліку ратавальнікі пабачылі, што прыватны драўляны трохпакаёвы дом гарыць адкрытым полымем. Дом належыць 79-гадоваму пенсіянеру, які пражываў з 41-гадовым сынам. Напярэдадні здарэння іх наведвала дачка гаспадара: жанчына павіншавала сваякоў з надыходзячым Раством і неўзабаве з'ехала да сябе ў горад.
Змагаючыся з пажарам, ратавальнікі шукалі людзей. Пад абвалам яны знайшлі абгарэлае цела сына гаспадара, а праз некалькі хвілін — і самога пенсіянера.
Агонь знішчыў дах і перакрыцце, пашкодзіў сцены дома.
Прычына пажару высвятляецца. Асноўнай версіяй пажару называюць неасцярожнасць пры курэнні. Акалічнасці здарэння высвятляюць спецыялісты РАУС і следчага камітэта.