Прыпынена дзейнасць грамадска-кансультацыйнага савета пры прэзідэнце

Прыпыненая дзейнасць Грамадска-кансультацыйнага савета пры Адміністрацыі прэзідэнта Беларусі. Яго старшыня Ўладзімір Макей спасылаецца на выступленні "некаторых апазіцыйных дзеячоў", у тым ліку і сяброў савета, якія называлі гэтую структуру "бутафорскай" і "дэкларацыйнай".
У сваёй заяве Макей адзначае, што "Грамадска-кансультацыйны савет ствараўся не пад палітычную кан'юнктуру, а для рэальнай працы" і што яго з'яўленне "стварыла механізм рэальнага дыялогу людзей, якія прытрымліваюцца розных кропак гледжання".

Цяпер Уладзімір Макей збіраецца правесці "персанальныя кансультацыі з членамі ГКС пра магчымасці і парадак яго будучай працы", паведамляе БЕЛТА.

Нагадаем, чарговае паседжанне савета мусіла адбыцца 13 лістапада на тэму выбарчага заканадаўства. Паводле Макея, нападкі на савет узмацніліся якраз напярэдадні яго правядзення.