Рада ААН па правах чалавека заслухае даклад па сітуацыі ў Беларусі

11 чэрвеня у Палацы Нацый у Жэневе адкрылася пятая сесія Рады ААН па правах чалавека. Краіны-чальцы СПЧ абмяркоўваюць новы механізм перыядычнага агляду сітуацыі з правамі чалавека ва ўсіх краінах, а не толькі ў краінах з дрэннай рэпутацыяй. Менавіта гэта і будзе адрозніваць новую Раду ад яе папярэдніцы – Камісіі па правах чалавека.

Акрамя таго, удзельнікі сесіі павінны будуць заслухаць адмысловых дакладчыкаў па сітуацыі ў Беларусі, Конга, Камбоджы, Самалі, на Кубе і Гаіці, а таксама "тэматычных" дакладчыкаў. У прыватнасці, будуць асветленыя пытанні незалежнасці суддзяў і адвакатаў, расізму, права на пражытак.

Сесія будзе працаваць да 18 чэрвеня.

"КоммерсантЪ"