Расійскія геі накіруюць зварот Лукашэнку

Маскоўскія геі маюць намер 18 траўня накіраваць зварот на імя амбасадара Беларусі ў Расіі, міністра замежных спраў Беларусі і Аляксандра Лукашэнкі.
Такое рашэнне ЛГБТ-актывісты прынялі пасля таго, як у Маскве былі затрыманыя ўдзельнікі гей-параду, якія былі затрыманыя супрацоўнікамі АМАПа.

Сярод затрыманых былі таксама беларусы, якія паспелі патэлефанаваць у сваю амбасаду, аднак на просьбу аб дапамозе працаўнікі дыппрадстаўніцтва адказалі абыякавасцю, перадае сайт Каспаров.Ru.

Адзначым, што з 2005 года ў свеце 17 траўня адзначаецца як Дзень супрацьстаянні гамафобіі. У гэты дзень 1990 года гомасексуальнасць выключылі са спісу псіхічных захворванняў.