Аляксандр Лукашэнка паедзе ў Эквадор па бясплатныя візы
Кіраўнік Беларусі наведае Эквадор з афіцыйным візітам у канцы чэрвеня.
Пра гэта са спасылкай на эквадорскае Канцлерства паведамляе сайт rusecuador.ru. Лукашэнка мае намер дасягнуць з эквадорскім кіраўніцтвам дамоўленасцяў у розных сферах — найперш у галіне абароны, гандлю, адукацыі і развіцці сельскай гаспадаркі. Таксама будзе абмяркоўвацца магчымасць скасаваць візы паміж дзвюма краінамі.
У Кіта Аляксандр Лукашэнка сустрэнецца са сваім эквадорскім калегам Рафаэлем Карэа.
Нагадаем, раней паведамлялася, што ў канцы чэрвеня беларускі кіраўнік наведае Венесуэлу.
Фота — planetolog.ru
