Андрэя Моўчана працягваюць штрафаваць: 800 тысяч, 1 мільён, 500 тысяч
Актывіста грамадзянскай кампаніі "Еўрапейская Беларусь" аштрафавалі на паўмільёны. Такое рашэнне прыняла камісія пры адміністрацыі Першамайскага раёна сталіцы.
Нагадаем, Андрэй Моўчан быў затрыманы ў ноч на 14 ліпеня ў мікрараёне Уручча нібыта за налепку "Не — смяротнай кары". Яго абвінавачвалі па двух артыкулах Кодэкса аб адміністрацыйных правапарушэннях: парушэнне правілаў добраўпарадкавання гарадоў і ў дробным хуліганстве. Па апошнім суд Першамайскага раёна аштрафаваў актывіста 24 ліпеня на 1 мільён, па першым прымала рашэнне адміністрацыйная камісія.
Андрэй Моўчан стаў вядомы, калі ў траўні разгарнуў нацыянальны сцяг у людным месцы каля ўніверсама “Першамайскі” у Мінску ў знак салідарнасці з палітвязнем Сяргеем Каваленкам. Тады ён быў збіты да страты прытомнасці і трапіў у лякарню. У пачатку ліпеня за "несанкцыянаваны пікет" яго аштрафавалі на 800 тысяч рублёў.
Фота — svaboda.org
