Ангела Меркель сустрэнецца з беларускімі апазіцыянерамі
Канцлер Нямеччыны мае правесці гэту сустрэчу ўвечары 29 верасня ў Варшаве.
У ведамстве федэральнага канцлера не сталі хаваць, што Берлін дэманстратыўна выказвае падтрымку апанентам рэжыму Лукашэнкі. Такім чынам, Нямеччына не збіраецца больш мірыцца з тым, як афіцыйны Мінск ставіцца да прадстаўнікоў апазіцыі і грамадзянскай супольнасці.
Апроч таго, крыніцы ў атачэнні Ангелы Меркель сцвярджаюць, што Нямеччына можа выступіць за больш жорсткія санкцыі ў дачыненні да палітычнага кіраўніцтва Беларусі, перадае Радыё Свабода са спасылкай на нямецкія СМІ.
