Беларусь разлічвае дамовіцца аб крэдыце з МВФ сёлета ўвосень
Пра гэта паведаміў журналістам 4 чэрвеня ў Кіеве міністр фінансаў Беларусі Андрэй Харкавец пасля нарады міністраў фінансаў ЕўрАзЭС.
Па словах міністра, “крэдыт нам патрэбен”. Але ж памер гэтага крэдыту будзе ацэнены па выніках працы місіі Міжнароднага валютнага фонду, паведамляе РИА Новости.
Пры гэтым Андрэй Харкавец лічыць, што МВФ будзе задаволены той праграмай рэфармавання эканомікі, якую Беларусь падпісала з Антыкрызісным фондам ЕўрАзЭС.
