Фэст вулічнага мастацтва адбыўся ў Гомелі (фота)
Музыкі, вулічныя тэатры, майстры з’ехаліся з усёй Беларусі, каб паказаць сваю творчасць гамельчукам.
Сярод іх былі пластычны тэатр “Eye”, школа бубначоў Tekadum, гомельскі гурт Romeira, дуэт Бі-фолк і іншыя. Амаль па ўсім бульвары на вуліцы Перамогі стаялі лаўкі з hand-made упрыгожваннямі, шпацыравалі мімы, гралі музыкі.
Арганізатары фестывалю распавялі, што як не дзіўна, кіраўніцтва гораду адразу падтрымала ідэю “Гомельскага Арбата”. На жаль, фэст атрымаўся не ў тых масштабах, да якіх імкнуліся ініцыятары — шмат хто не ведаў, і даведаўся пра фэст толькі пасля рэгістрацыі. Менавіта таму ўжо цяпер арганізатары пачынаюць думаць аб правядзенні свята ў наступным годзе.
