Кантрабандны абутак з Украіны перапраўлялі ў Беларусь на возе (фота)
Каня, воз, 113 пар абутку і безліч вопраткі затрымалі недалёка ад мяжы з Беларуссю ў Валынскай вобласці Украіны.
Кантрабанду на тэрыторыю Беларусі спрабаваў пераправіць 26-гадовы мясцовы жыхар, паведамляе Дзяржаўная памежная служба Украіны. Двух яго саўдзельнікаў праваахоўнікі затрымалі непадалёк.
Канфіскат коштам каля 2 тысяч долараў перадалі на мытню. На затрыманых склалі пратаколы аб адміністрацыйным парушэнні.
