Лукашэнка адмяніў візы для ўдзельнікаў чэмпіянату 2014 года
Адпаведны ўказ кіраўнік краіны падпісаў 16 студзеня.
Бязвізавы парадак уезду будзе ўсталяваны з 25 красавіка па 31 траўня 2014 года. Скарыстацца ім змогуць афіцыйныя ўдзельнікі чэмпіянату свету па хакеі і замежныя турысты, паведамляе БЕЛТА.
Афіцыйныя ўдзельнікі чэмпіянату змогуць прыехаць без візы, калі будуць уключаныя ў спісы афіцыйнай акрэдытацыйнай сістэмы чэмпіянату Міжнароднай федэрацыі хакея. Турыстам для прыезду без візы спатрэбіцца арыгінальны ці электронны квіток на матчы чэмпіянату.
