Лукашэнка загадаў прынесці афіцыйныя прабачэнні Алене Ланской
На сённяшняй нарадзе, прысвечанай фальсіфікацыі вынікаў галасавання на фінале "Еўрафэста", кіраўнік дзяржавы спыніўся на лёсе спявачкі.
Нагадаем, пераможцам быў аб'яўлены гурт Litesound, які і будзе прадстаўляць Беларусь на "Еўрабачанні". Раней абвешчаная перамога Алены Ланской, як аказалася, была падтасаванай.
"Яна абсалютна невінаватая. Яна ад душы выступала і імкнулася да гэтай перамогі", — сказаў Аляксандр Лукашэнка пра Ланскую. Ён загадаў прынесці ёй афіцыйныя прабачэнні.
"З Алёнай трэба вельмі акуратна перагаварыць. Будзе магчымасць, я з ёй сустрэнуся", — сказаў кіраўнік дзяржавы.
