Лукашэнка звольніў намесніка камандуючага ваенна-паветранымі сіламі
Генерал-маёр Уладзімір Баштаненка адпраўлены ў адстаўку “па хваробе”.
Адпаведны ўказ Аляксандр Лукашэнка падпісаў 24 верасня, паведамляе прэс-служба кіраўніка краіны. Падставай для звальнення стаўся пункт 217.2 “Палажэння аб парадку прахаджэння вайсковай службы”. З яго вынікае, што Уладзімір Баштаненка звольнены з узброеных сілаў “па хваробе ― на падставе заключэння вайскова-лекарскай камісіі аб прызнанні яго непрыдатным да вайсковай службы”.
