Меляшкевіч пра "байкотную" акругу: па нашых звестках, выбары не адбыліся
Незалежныя назіральнікі кажуць пра яўку ў 35-40%, але афіцыйна там больш за 50%.
Юрась Меляшкевіч, адзін з каардынатараў байкоту ў 101-й Фрунзенскай выбарчай акрузе ў сталіцы ад руху "За Свабоду", распавёў пра гэта ў жывым эфіры Еўрарадыё.
Нагадаем, прадстаўнікі руху "За Свабоду", Партыі БНФ, кампаніі "Гавары праўду" і яе маладзёжнага крыла "Zмена" яшчэ ў жніўні дамовіліся аб правядзенні кампаніі байкоту ў акрузе № 101. На ўсіх участках акругі было арганізаванае сталае назіранне, праводзіліся інфармацыйныя акцыі сярод выбаршчыкаў.
