На беларуска-літоўскай мяжы захоўваюцца чэргі
Сёння апоўдні ў чарзе на выезд з Беларусі ў чатырох пунктах стаяла каля 800 грузавікоў.
Легкавых машын было параўнальна няшмат — усяго 80. Учора гэтая лічба была большай. Рэч у тым, што на літоўскай мяжы адбыўся збой у электроннай сістэме і ўсе дакументы на выезд давялося афармляць уручную. Дзяржаўны памежны камітэт яшчэ ўчора, у суботу параіў кіроўцам па магчымасці ўстрымацца пакуль ад паездак у Літву.
Магчыма, менавіта з гэтай прычыны легкавікоў сёння на мяжы стала меней.
