Сёння прэзентуюць кнігу пра беларуска-польскія стасункі
17 верасня ў Мінску Нацыянальная Акадэмія навук прадставіць зборнік дакументаў “Польшча — Беларусь: 1921-1953”.
Большасць дакументаў і матэрыялаў, апублікаваных у кнізе, уводзяцца ў навуковы абарот упершыню. Па словах навукоўцаў, матэрыялы ствараюць неабходную аснову і пашыраюць магчымасці для паглыбленай распрацоўкі актуальных праблем айчыннай гісторыі, паведамляе БЕЛТА.
Выданне з’яўляецца сумеснай працай Інстытута гісторыі Нацыянальнай акадэміі навук, Нацыянальнага архіву і маскоўскага фонду “Гістарычная памяць”. Кніга разлічаная на прафесійных гісторыкаў і звычайных чытачоў, якія цікавяцца гісторыяй Беларусі.
