Нацбанк: Валюта можа з'явіцца ў абменніках у траўні

Пра гэта заявіў начальнік галоўнага ўпраўлення валютнага рэгулявання валютнага кантролю Нацбанка Беларусі Анатоль Мароз, перадае карэспандэнт БЕЛТА.

"Мы чакаем знешніх запазычанняў. У першую чаргу праведзены перамовы з Расійскай Федэрацыяй. Яна запатрабавала ад нас праграму мер па выйсці з крызісу, якая ўжо прадстаўлена. На наступным тыдні, а можа быць і ў траўні, гэта пытанне павінна быць вырашана. Пасля гэтага будуць прадпрынятыя ўсе крокі па стабілізацыі валютнага рынка Рэспублікі Беларусь", - растлумачыў Анатоль Мароз і дадаў, што пасля гэтага з'явіцца наяўная валюта.

Ён таксама адзначыў, што курс долара ў Br3 800. - гэта адэкватная адзнака. "Той курс, які цяпер выстаўляецца на пазабіржавым рынку, - завышаны".

фота: svobodanews.ru