Паводле росту ВУП Беларусь у СНД апярэдзілі Туркменістан і Узбекістан
Беларусь увайшла ў тройку лідараў у СНД паводле росту валавога ўнутранага прадукта ў 2010 годзе. На першых месцах па гэтым паказчыку — краіны Цэнтральная Азіі.
Найбольшы рост ВУП летась зафіксаваны ва Узбекістане — 8,5%, другі вынік у Туркменістана — 8%. У Беларусі трэці — 7,6%.
У Казахстане і Малдове ВУП вырас на 7%, у Таджыкістане — на 6,5%, у Азербайджане і Украіне — на 5%, у Расіі — на 4%, у Арменіі — на 2,6%. У Кыргызстане зафіксавалі зніжэнне ВУП на 1,4%, паведамляе БЕЛТА са спасылкай на Міждзяржаўны статкамітэт СНД.
