“Пінскаму пустэльніку” сабралі грошы
15-гадовы падлетак збег з пінскай школы-інтэрната і сорак дзён пражыў у лясной зямлянцы.
Пасля шчымлівага артыкула чытачы газеты “Вечерний Брест” сабралі больш за 10 мільёнаў рублёў, каб уратаваць падлетка ад калоніі. Каб выжыць, хлапец краў неабходныя рэчы з навакольных лецішчаў. За гэта яму прысудзілі 1 год 6 месяцаў пазбаўлення волі.
Сабраныя грошы пойдуць на кампенсацыю стратаў пацярпелым грамадзянам. Адвакат падлетка падаў касацыйную скаргу на прысуд Пінскага суда.
