Праезд у сталічным транспарце хочуць падвысіць да 1 600 рублёў
Столькі ўжо ў снежні можа каштаваць талончык у наземным транспарце. Цану жэтона ў метро плануюць давесці ўвогуле да 1 800 рублёў.
Пра такую магчымасць заявіў сёння журналістам дырэктар прадпрыемства “Сталічны транспарт і сувязь” Валерый Шкуратаў, перадае БЕЛТА. Ён таксама адзначыў, што нават такі рост тарыфаў слаба кампенсуе выдаткі транспартнікаў. Паводле яго словаў, сёння сабекошт адной паездкі ў метро дасягнуў 8,5 тысяч рублёў, а ў наземным транспарце — 6 300 рублёў.
Апошнім разам праезд у Мінску даражэў усяго тыдзень таму: з 1 лістапада цана адной паездкі складае 1 300 рублёў.
