Сіноптыкі: у суботу 13-19 цяпла, дажджы
Уначы ападкі прагназуюцца пераважна на Гомельшчыне, а ўдзень — на большай частцы тэрыторыі краіны.
Тэмпература паветра ў начныя гадзіны 5-11 градусаў, на паўднёвым усходзе да 14 вышэй за нуль, у дзённыя — 13-19 цяпла, а ў некаторых раёнах Гомельскай і Магілёўскай абласцей — да 21 градуса.
У нядзелю надвор'е істотна не зменіцца, працягнуцца дажджы. А вось у панядзелак ападкі не прагназуюцца, удзень паветра прагрэецца да 16 градусаў (на Гомельшчыне аж да 24-х).
Фота — bymedia.net
