Следчыя абяцаюць вярнуць Ксюшы Сабчак грошы, забраныя 5 месяцаў таму
Сама Сабчак кажа, што адразу напіша ў сваім мікраблогу, як толькі грошы вернуць.
Гаворка ідзе пра 1 мільён 108 тысяч еўра, 522 тысячы даляраў ЗША і 485 тысяч рублёў, паведамляе РБК са спасылкай на Следчы камітэт Расіі. Гэтыя грошы былі забраныя ў вядомай тэлевядоўцы пры ператрусе. Следства правярала, адкуль паходзяць грошы і ці заплачаныя за іх падаткі. Парушэнняў, як высветлілася, няма.
Тым часам працягваецца расследаванне крымінальнай справы па факце масавых беспарадкаў на Балотнай плошчы. Сабчак праходзіць па гэтай справе сведкай.
Фота — borodinalife.ru
