Цяжарных гамяльчанак бясплатна пусцяць у кіно
Праўда, без грошай можна будзе пабачыць толькі адну стужку ў адным кінатэатры.
Цяжарным гамяльчанкам бясплатна пакажуць фільм “Цяжарны”. Дэманстрацыя расійскай камедыйнай кінастужкі рэжысёра Сарыка Андрэасяна сёння распачалася ў гомельскім кінатэатры імя Калініна. Увесь час паказу фільма цяжарных гамяльчанак будуць пускаць бясплатна. Для гэтага ім неабходна мець пры сабе дакумент, які будзе пацвярджаць цяжарнасць.
