У Гомелі стала на адну брукаванку больш (фота)
Наступнай сучаснай брукаванай вуліцай у абласным цэнтры стала вуліца Білецкага.
Летась у Гомелі пачалі ўжо з’яўляцца першыя брукаваныя ў наш час участкі дарог. Першай за доўгі час брукаванай у горадзе стала вуліца Камунараў, а мінулым летам некаторыя прыпынкі былі брукаваныя на замен асфальту. Адзначым, што па нейкаму сутыкненню абставінаў, першая ў горадзе брукаванка вядзе да Міністэрства ўнутраных спраў Гомельскай вобласці, а новая – да ўпраўлення абласнога КДБ.
