У Магілёве збіраюць подпісы за адмену аплаты за праезд для студэнтаў
Жыхароў абласнога цэнтра натхніў сталічны прыклад, дзе студэнты ужо могуць ездзіць цалкам бясплатна.
Ініцыяваў акцыю актывіст кампаніі “Гавары праўду” Аляксей Паўлоўскі.
Паўлоўскі: “Пасля таго, як я прачытаў у СМІ пра тое, што толькі мінскія тудэнты не мусяць аплочваць праезд, я падумаў: чаму такая несправядлівасць? Чаму студэнты з іншых гарадоў мусяць праезд аплочваць? Здаецца, адзін і той жа ж бюджэт, тая самая катэгорыя грамадзян, а законы нейкія розныя. Я выйшаў на вуліцы Магілёва і за дзве гадзіны сабраў каля ста подпісаў супраць такога рашэння. Агулам планую сабраць дзве тысячы подпісаў. З такой ініцыятывай у рэгіёнах я выйшаў першым.”
Па словах Аляксея Паўлоўскага, мінакі ахвотна падпісваюцца пад яго прапановамі. Гэтыя подпісы ён плануе даслаць у Мінгарвыканкам, Мінаблвыканкам і ў абласны Савет дэпутатаў.
