У Маскве праходзіць новы “Марш мільёнаў”
Гэта першая масавая акцыя расійскай апазіцыі пасля летняга перапынку.
Такім чынам яе удзельнікі выказваюць нязгоду з палітыкай уладаў і асабліва з тым, што Уладзімір Пуцін зноў стаў прэзідэнтаў Расіі. “Марш мільёнаў” санкцыянаваны, заяўленая колькасць удзельнікаў — 25 тысяч чалавек, перадае ВВС. Шэсце пачалося ад помніка Пушкіну па маскоўскіх бульварах. Затым удзельнікі Маршу зладзілі мітынг на праспекце Сахарава.
Актыўныя ўдзельнікі ў сацыяльных сетках пішуць, што на праспект прыйшло 50 тысяч чалавек. Паліцыя паведамляе пра 11 тысяч мітынгоўцаў.
Адзін з актывістаў расійскай апазіцыі Сяргей Удальцоў заклікае ўдзельнікаў акцыі заставацца на вуліцы да дзясятай вечара — гэта ўзгоднены з уладамі час завяршэння акцыі.
