У нямецкім цягніку злавілі фальшывага Пуціна

Здарэнне адбылося падчас звычайнай праверкі дакументаў у цягніку, які ішоў з Зальцбурга ў Мюнхен, паведамляе "Deutsche Welle". Адзін з пасажыраў паказаў кантралёрам латвійскае пасведчанне кіроўцы, выдадзенае на імя Уладзіміра Пуціна з фатаграфіяй расійскага прэзідэнта.

Па словах 27-гадовага рускамоўнага жыхара Ніжняй Саксоніі, ён набыў фальшывыя правы на рынку ў Расіі толькі дзеля жарту.

Кантралёры забралі дакумент. А фальшывы Пуцін змог без перашкодаў ехаць далей.