У пажары пад Гродна загінула 1670 курэй-нясушак
Узгаранне адбылося ўчора раніцай у адным з будынкаў птушніка "Скідзельаграпрадукта" у вёсцы Свіслач Гродзенскага раёна.
Самастойна патушыць агонь птушкагадоўцы не здолелі. Выкліканыя ратавальнікі МНС ліквідавалі ўзгаранне з дапамогай 10 адзінак пажарнай тэхнікі. Будынак птушніка ўдалося выратаваць, але не 1670 курэй-нясушак, якія задыхнуліся ад моцнага задымлення.
Папярэдняя шкода ад гібелі курэй складае 8 мільёнаў рублёў. Аднаўленне абсталявання таксама запатрабуе немалых сродкаў, паведамляе s13.
