У Пінску зноў “лекуюць” асфальтам старадаўні брук (фота)

Гэту дарогу праклалі тры гады таму ў часе рэканструкцыі цэнтральнай плошчы горада. І, каб паказаць повязь стагоддзяў, выклалі трылінкай, знойдзенай пад слоем асфальту на плошчы.

Аднак тэхналогіі мінулага стагоддзя ніяк не даюцца пінскім дарожнікам: калі трэба залатаць ямкі на пакрыцці, яны проста заліваюць іх асфальтам.

Цікава, што ў 2009 годзе Еўрарадыё ўжо апісвала падобны выпадак у Пінску. Тады мясцовае кіраўніцтва аператыўна выправіла сваю памылку. Выглядае на тое, што гісторыя паўтараецца.

Трылінка — гэта бетонная шасцікутная брукаванка з украпінамі базальту і граніту. Яе вынайшаў у 30-ыя гады мінулага стагоддзя пінскі прадпрымальнік Трылінскі.