Удзельнікі “Маршу мільёнаў” заклікалі да змены ўлады
Акцыя расійскай апазіцыі ў Маскве завяршылася прыняццем рэзалюцыі, у якую увайшло патрабаванне правесці новыя прэзідэнцкія і парламенцкія выбары.
Мерапрыемства было санкцыянаваным і прайшло без эксцэсаў. Яго ўдзельнікі прайшлі шэсцем на цэнтральных вуліцах расійскай сталіцы, а затым правялі на праспекце Сахарава мітынг і канцэрт, перадае ВВС.
Заяўленая колькасць удзельнікаў “Маршу мільёнаў” складала 25 тысяч чалавек. Лідар “Левага фронту” Сяргей Удальцоў налічыў болей за 100 тысяч чалавек, а паліцыя — толькі 11 тысяч. Многія журналісты адзначылі, што ў сённяшнім Маршы ўдзельнічала меней людзей, чым у іншых пратэстных акцыях за мінулы год.
