Замежнікам у Магілёве пагражае штраф ці дэпартацыя
Супраць шасці прадстаўнікоў Міжнароднай ліберальнай маладзёжнай арганізацыі распачалі адміністрацыйны працэс.
Грамадзяне ЗША, Нямеччыны, Аўстрыі і Нідэрландаў прысутнічалі на мерапрыемстве на тэму выбарчай кампаніі, якое ў Магілёве ладзіў "Грамадзянскі форум".
Каля 18-й гадзіны ў аўторак у арандаваную канферэнц-залу Тэхнапарка раптоўна ўварвалася пяцёра чалавек з міграцыйнай службы. Яны праверылі ў прысутных дакументы. Беларусаў адпусцілі, а замежнікі чакалі, пакуль ім прывязуць з гатэля пашпарты. Пасля гэтага іх завозілі ў офіс міграцыйнай службы. Замежнікам паведамілі, што распачаты адміністрацыйны працэс, вынікам якога можа быць альбо яго спыненне, альбо штраф ці нават дэпартацыя.
Фота — spring96.org
