Жанчынам у Саудаўскай Аравіі дадуць значныя палітычныя правы
Ужо праз год насельніцы гэтай краіны змогуць балатавацца ў савет Шуры і прымаць удзел у муніцыпальных выбарах.
Кароль Саудаўскай Аравіі Абдэль Азіз заявіў, што не хоча маргіналізацыі ролі жанчыны ў сучасным грамадстве. Рашэнне было прынятае ў час перамоваў з высокапастаўленымі прадстаўнікамі мусульманскага духавенства, перадае ВВС.
Гэтая падзея вельмі нечаканая для такой кансерватыўнай дзяржавы. На сёння тамтэйшыя жанчыны нават не маюць права садзіцца за руль.
