СМІ: На мяжы з Беларуссю затрымалі амаль 130 вагонаў з украінскімі таварамі
![СМІ: На мяжы з Беларуссю затрымалі амаль 130 вагонаў з украінскімі таварамі](/sites/default/files/styles/gallery_main/public/2023-08/995708369ria715.jpg.webp?itok=p_CZeIeW)
На мяжы з Беларуссю затрымалі амаль 130 вагонаў з украінскімі таварамі. Гэты транзітны груз ішоў у Казахстан і Кыргызстан, інфармуе РІА "Новости". Раней паведамлялася пра 55 вагонаў і 50 фур, якія не змаглі патрапіць на расійскую тэрыторыю.
З 1 ліпеня згодна з указам аб мерах па забеспячэнні эканамічнай бяспекі і нацыянальных інтарэсаў Расіі была ўведзена часовая забарона на транзітныя аўтамабільныя і чыгуначныя перавозкі тавараў з Украіны ў Казахстан і Кыргызстан. Еўракамісар па пашырэнні і палітыцы суседства Ёханэс Хан заклікаў Расію адмяніць абмежавальныя меры на транзіт ўкраінскіх тавараў, а Кіеў — не спяшацца з мерамі ў адказ. Украінцы аднак ужо распрацоўваюць альтэрнатыўныя маршруты — праз Грузію і Азербайджан.