“Спячыя ячэйкі”: што засталося ад незалежных прафсаюзаў Беларусі
Максім Пазнякоў / фота з архіва
31 сакавіка ў Вярхоўным судзе разглядалі апеляцыйныя скаргі палітвязняў, фігурантаў “справы прафсаюза РЭП” Генадзя Фядыніча, Васіля Бераснева і Вацлава Арэшкі. Прысуд прадказальна быў пакінуты без зменаў. Як і раней, не была задаволеная апеляцыя трох іншых асуджаных прафсаюзных лідараў — Аляксандра Ярашука, Сяргея Антусевіча і Ірыны Бут-Гусаім. Агулам за кратамі знаходзіцца 35 прадстаўнікоў прафсаюзнага руху.
Што засталося ад незалежных прафсаюзаў у Беларусі? Як на сітуацыю з прафсаюзным рухам рэагуюць міжнародныя прафсаюзныя і праваабарончыя арганізацыі? Ці могуць яны паўплываць на пашырэнне ціску на лукашэнкаўскі рэжым? На гэтыя ды іншыя пытанні адказвае старшыня Беларускага незалежнага прафсаюза, выканаўца абавязкаў старшыні Беларускага кангрэса незалежных прафсаюзаў (БКНП) Максім Пазнякоў.
