У Пакістане студэнта асудзілі да смяротнага пакарання праз перапіску ў WhatsApp
Смяротнае пакаранне за паведамленні ў мэсэнджэры
Суд правінцыі Пенджаб заявіў, што падсудны падзяліўся фатаграфіямі і відэа з намерам абразіць рэлігійныя пачуцці мусульман, перадае BBC.
Па гэтай жа справе да пажыццёвага зняволення быў прыгавораны 17-гадовы юнак. Абодва адмаўляюць сваю віну.
Багахульства ў Пакістане караецца смерцю. Некаторых падазраваных лінчавалі яшчэ да таго, як іх справы былі перададзены ў суд.
Скарга была пададзена ў 2022 годзе падраздзяленнем па барацьбе з кіберзлачыннасцю Федэральнага агенцтва расследаванняў Пакістана (FIA) у Лахоры, сталіцы правінцыі Пенджаб.
У рашэнні суда гаворыцца, што 22-гадовы мужчына быў прыгавораны да пакарання смерцю за стварэнне фатаграфій і відэа, якія змяшчаюць абразы прарока Мухамеда і яго жонак.
Другому абвінавачанаму далі пажыццёвае зняволенне за распаўсюджванне матэрыялаў.
