Суха і да +25: надвор'е ў Беларусі 29 красавіка
Веснавы Гродна / Еўрарадыё
Пераменная воблачнасць і пераважна без ападкаў, чакаецца ў Беларусі 29 красавіка. На змену халоднаму арктычнаму паветру прыйшоў антыцыклон, цэнтр якога цяпер вісіць над Смаленскай вобласцю Расіі, і цёплая паветраная маса, якая паступае з паўднёвага захаду Еўропы.
Тэмпература паветра ўночы складзе плюс 3-9 градусаў, па захадзе да 10-12 па Цэльсіі. Удзень паветра прагрэецца да 19-25 градусаў. А значыць, ужо можна будзе хадзіць без курткі!
У начны і ранішні час у асобных раёнах краіны будзе згушчацца слабы туман. Такі прагноз даюць у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
