Супрацоўнікі МНС выратавалі казляня, якое захрасла ў трубе (фота)
![Супрацоўнікі МНС выратавалі казляня, якое захрасла ў трубе (фота)](/sites/default/files/styles/gallery_main/public/2023-08/truba-1806-3.jpg.webp?itok=se-2s58i)
Лельчыцкіх ратавальнікаў 16 чэрвеня а 15-й гадзіне выклікалі на дапамогу казляняці. Здарэнне адбылося ў вёсцы Ліпляны па вуліцы Спартыўнай.
Як паведамляе прэс-служба МНС, казляня захрасла ў праточнай трубе праз дарогу. Ратавальнікі, якія прыбылі па выкліку, высветлілі, што жывёла знаходзіцца акурат пасярэдзіне жалезабетоннай 12-метровай трубы дыяметрам 0,3-0,4 метра. Сама канструкцыя была часткова запоўнена пяском.
Ратавальнікі ачысцілі трубу ад пяску. Пасля гэтага казляня дасталі пры дапамозе падручных сродкаў. Паведамляецца, што жывёла не пацярпела.